Nutaarsiassat


2024 2023 2022 Flere år...

21-06-2009

Alþingip siulittaasua Inatsisartut Siulittaasuannut tunissuteqarpoq

Island-imi inatsisartut, Alþingi, siulittaasuat Ásta Ragnheiður Jóhannesdóttir, ullumi Namminersornerup eqqunneqarneranut atatillugu Inatsisartut Siulittaasuannut Josef Motzfeldt-imut tunissuteqarpoq.

 

Tunissut qummuattaasaasoq, island-ip Kalaallit Nunaatalu pinngortitaanit isumassarsiorluni, island-imiumit eqqumiitsuliortumit Kogga-mit sananeqarsimavoq. Qummuattaasap qaani allassimavoq ”Til góðs vinar liggja gagnvegir”, kalaallisut isumaqartoq ”Ikinngutaalluartumut aqqut naatsuuvoq”.

 

Inatsisartut ikinngutigiinnerannut qanimullu attaveqarnerannut tunissut ersersitsisuusoq Ásta Ragnheiður Jóhannesdóttir-ip oqalugiarnermini erseqqissarpaa. Island-ip Kalaallit Nunaatalu akornanni attaveqaatit qanittuunerat Josef Motzfeldt-ip qujassuteqarluni oqalugiarnermini naqissuserpaa.

 

Ásta Ragnheiður Jóhannesdóttir-ip oqalugiaataa uani atuarsinnaavat