2024 2023 2022 Flere år...
27-03-2009
Inatsisartut Upernaakkut Ataatsimiinnerat 2009 / UPA09 tallimanngornermi aprilip 17-anni aallartissaaq
Inatsisartut 2009-mi upernaakkut ataatsimiinnissaanni oqaluuserineqartussat ima isikkoqarput:
Naalakkersuisut siunnersuutinik katillugit 24-inik saqqummiussipput inatsisissatut peqqussutissatullu siunnersuutinut 16-nut, aalajangiiffigisassatut siunnersuutinut 2-nut nassuiaatinullu 6-nut agguataarsimasut.
Ullormut oqaluuserisassani ilaasortat siunnersuutaat nutaat 69-it ilanngunneqarput peqqussutissatut siunnersuutinut 2-nut, aalajangiiffigisassatut siunnersuutinut 46-inut, apeqquteqaat aallaavigalugu oqallinnissamik siunnersuutinut 6-nut Naalakkersuisunullu apeqqutinut 15-nut agguataarsimasut.
Siunnersuutit 36-it Inatsisartut siusinnerusukkut ataatsimiinneranneersut ataatsimiinnermi matumani inaarutaasumik suliarisassanngortinneqarput.
Ulluni ataatsimiiffiusuni 25-ini ullormut oqaluuserisassatut siunnersuutit suliarineqartussat katillugit 130-iupput.
Sukumiinerusumik paasisaqarusukkaanni Inatsisartut Siulittaasuat Ruth Heilmannimut oqarasuaat:+ 299 52 08 05-mut saaffiginnittoqarsinnaavoq.