2024 2023 2022 Flere år...
21-08-2009
USA-p Danmarkimi aallartitaa Lauri S. Fulton Inatsisartut Siulittaasuata Josef Motzfeldtip ataatsimeeqatigaa
USA-p Danmarkimi aallartitaa Lauri S. Fulton Inatsisartut Siulittaasuata Josef Motzfeldtip ullumi ataatsimeeqatigaa.
Lauri S. Fulton Inatsisartut ataatsimiittarfiannut takuniaareermat taakku akunnerup affaani oqaloqatigiipput.
Igalikumi isumaqatigiissummut atatillugu ilinniartitaanermut tunngasutigut Kalaallit Nunaata USA-llu akornanni suleqatigiinnermut atatillugu teknikikkut periarfissat nutaat pillugit Josef Motzfeldtip aallartitaq oqaloqatigaa. Tamatuma saniatigut nunat inoqqaavisa atugaat kiisalu USA-p Alaskami misilittakkat pitsaasut katersai aallaavigalugit isiginnaarut atorlugu ungasianit nakorsiartitsinerup iluani teknologiimut tunngasunik avitseqatigiinnissamut periarfissat illuatungeriinnit oqaluuserineqarput.