2024 2023 2022 Flere år...
21-08-2009
Ataatsimiititaliat allattaannik inatsisilerituumik siunnersortimilluunniit pissarsiorpugut
NAMMINERSORLUTIK OQARTUSSAT
INATSISARTUT * PARLIAMENT OF GREENLAND
Inatsisartut Allattoqarfiat
ATAATSIMIITITALIAT ALLATTAANNIK INATSISILERITUUMIK SIUNNERSORTIMILLUUNNIIT
ULLOQ OKTOBARIP AALLAQQAATAA 2009
ISUMAQATIGIISSUTEQARNERLUUUNNIIT
MALILLUGU INATSISARTUT ALLATTOQARFIANNI
ATORFINITTUSSAMIK PISSARSIORPOQ
Kalaallit Nunaanni inatsisiliortutut qinikkani (Inatsisartuni) atorfimmut pilerinartumut inatsisilerituumik piukkunnaateqarluartumik (ajornanngippallu misilittagalimmik) tunngaviusumik inatsisinik, naalagaaffiit akornanni piginnaatitaaffiit pisussaaffiillu pilllugit inatsisitigut maleruagassanik, pisortat ingerlatsineranni inatsisinik kiisalu inatsisileriaatsimik ilisimasalimmik pissarsiorpugut.
Suliassat pingaarneq tassaassaaq Inatsisartut ataatsimiititaliaasa ilaannik sullissineq, Inatsisartunut taakkulu allattoqarfiannut inatsisilerituutut siunnersortaaneq kiisalu inatsisissatut siunnersuutinik inatsisilerinikkut misissuinermik suliaqarneq.
Nammineerlutit sulisinnaassuseqarnissat aammalu suleqatiginnillaqqissuseqartuunissat naatsorsuutigaarput. Ulluni ataatsikkut suliassarpassuaqarfiusuni sulinikkullu annertuumik piumasaqarfiusuni uippalliaatsuunissat ilanngullugu naatsorsuutigaarput. Sulerusussuseqartuunerit, ingerlatitseqqillaqqissuunerit sulinermilu ulapaarfiunerpaakkut kajumissuseqarnerit isumagissaarnerillu pingaartipparput.
Atorfimmut atatillugu inuttut suliatigullu annertuumik ineriartornissamut periarfissaqartoqarpoq.
Kalaallit Nunaanni avataanilu angalasarnissaq naatsorsuutigineqarsinnaavoq.
Inatsisartut Allattoqarfiat maannakkut 29-nik sulisoqarpoq, taakkunanngalu qulingiluat ataatsimiititalianut allattaallutik. Sullivimmi Kalaallit Nunaanni naalakkersuinikkut suliaqarnermik inerisaaviusumi sulilernissat neqeroorutigaarput. Suliffiup ilisarnaatigaa eqiingasumik suliffiunini, tamatumani ukiumut marloriarluni ataatsimiittoqartarnerani suliassat annertunerpaat nalinginnaasumik ingerlanneqartarlutik.
Atorfinitsitaaninni Allattoqarfiup ilinniartitseqqittarnermik ingerlataani, ukiuni atorfeqarfigisanni siullerni marlunni Folketingimiinnermik kiisalu ministereqarfimmi naleqquttumiinnermik erseqqinnerusumilluunniit isumaqatigiissuteqarnikkut allatut ilinniaqqinnermik imaqartumut peqataassaatit.
Siulittaasoqarfiup, DJØF-ip kattuffiulluunniit susassaqartup allap isumaqatigiissutaat tunngavigalugit akissaasersuisoqarlunilu atorfinitsitsisoqassaaq, isumaqatigiissutillu malillugit akissarsiat saniatigut suliaqartinneqartarnermut tapisiaqartitsisoqarluni.
Siunnersortitut atorfinissinnaaneq isumaqatigiissutigiinniutigineqarsinnaavoq.
Kalaallisut qallunaatullu oqaaseqarlutillu allassinnaaguit iluaqutaassaaq, tamannali piumasaqaataanngilaq.
Isumaqatigiissutit atuuttut naapertorlugit pigisat nuunneqarnerat akilerneqarsinnaavoq. Malittarisassat atuuttut naapertorlugit akilersorneqartussamik ineqartitsisoqarsinnaavoq.
Atorfik pillugu paasissutissat avammut saqqummiunneqartussaanngitsut allattaanermut Ellen Kolby Chemnitzimut telefon (+299) 34 61 04-mut imaluunniit 48 43 03-mut imaluunniit Allattoqarfimmi pisortamut Kim Pagelseimut telefon (+299) 34 61 49-mut imaluunniit 58 76 16-imut saaffiginnilluni pissarsiarineqarsinnaapput. (Nalunaaquttat nalunaaquttap akunnerinik sisamanik nikinganerat pissutigalugu Danmarkimi nalunaaqutaq malillugu nal. 12.00-ip kingornagut saaffiginnittoqartariaqarpoq).
Qinnuteqaat soraarummeersimanermut uppernarsaatinik C.V.-millu ilallugu allakkatut e-mailitulluunniit uunga nassiunneqassaaq:
Inatsisartut Allattoqarfiat
Postboks 1060
3900 Nuuk
e-mail: inatsisartut@gh.gl
Qinnuteqaat Inatsisartut Allattoqarfiata kingusinnerpaamik ulloq septemberip 20-at 2009 tigoreersimassavaa. Allakkap puuagut “INATSISILERITOOQ” allassavat.
Inatsisartut internetikkut quppersagaat: www.inatsisartut.gl
Qinnuteqaat allakkatut tammatsaaliukkatut immikkut akeqartutut nassiunneqassaaq.