2024 2023 2022 Flere år...
25-09-2009
Ukiakkut ataatsimiinneq 2009 ullumi aallartissaaq
Ullumi nalunaaqutaq aqqanernut 2009-mi ukiakkut ataatsimiinneq aallartissaaq. Oqaluuserisassat naapertorlugit Inatsisartut ullut 26-it Inatsisartut ataatsimiittarfianni ataatsimiiffigissavaat.
Ullumi oqaluuserisassanut ilaatigut ilaapput Inatsisartut Siulittaasussaannik kiisalu Inatsisartut Siulittaasuata tullianik siullermik, aappaanik, pingajuanik sisamaanillu qinersineq aamma Inatsisartut ataatsimiititaliaannut ataavartunut sinniisoqarfinnullu ilaasortassanik sinniisussaannillu qinersineq. Naalakkersuisut Siulittaasuat ataatsimiinneq ammarlugu oqalugiassaaq.
Inatsisartunut ilaasortat arlallit sulinngiffeqarnissaminnik qinnuteqarsimapput peqannginnerminnilu sinniisussamit taarserneqassallutik. Pineqartut tassaapput
Mimi Karlsen (IA), ullumimiit ukioq ataaseq sulinngiffeqarniartoq – sinniisussaraa Isak Hammond;
Storm Ludvigsen (IA), piffissami 25. september - 1. december sulinngiffeqarniartoq – sinniisussaraa Kaali Olsen;
Jane Petersen (IA), piffissami 25. september - 10. oktober Naalagaaffiit Peqatigiit ataatsimeersuarnerannut Inatsisartut sinniisuattut peqataasoq – sinniisussaraa Peter Lyberth;
Kim Kielsen (S), ukiakkut ataatsimiinneq tamaat sulinngiffeqarnissaminik qinnuteqartoq - sinniisussaraa Jens Emanuelsen aamma
Knud Kristiansen (A), ukiakkut ataatsimiinneq tamaat sulinngiffeqarnissaminik qinnuteqartoq - sinniisussaraa Naja Petersen.
Sinniisussanik ataatsimiigiaqqusisariaqartarnissaq annikillisinniarlugu Inatsisartuni partiit kattusseqateqarlutillu ilaasortat akunnerminni taasisarnerit pillugit aaqqissuussinermik isumaqatigiissutigisinnaavaat. Taamatut isumaqatigiissuteqartoqarsimatillugu partiit naalakkersuisuutitaqartut illuatungiliuttunik isumaqatigiissuteqartarput taakku ilaasortaatitaat taaseqataassanngitsut ilaasortaq partiinit naalakkersuisuutitaqartuneersoq peqataasinnaassanngikkaluarpat. Taamaattoqartillugu ilaatigut atatsimiittarfimmi ima pisoqarsinnaasassaaq taasisitsisoqartillugu inatsisartunut ilaasortat taaseqataasut ilaasortanit ataatsimiittarfimmiittunit ikinnerullutik.