2024 2023 2022 Flere år...
22-12-2009
2008-mut ukiumoortumik nalunaarutertik Inatsisartut saqqummersippaa
2008-mut ukiumoortumik nalunaarutertik Inatsisartut ullumi saqqummersippaat. (Taaguut nutaaq Inatsisartut ukioq manna 21. juni Namminersorneq eqqunneqarmat atorneqalermat ukiumoortumik nalunaarutip qulequtaa “Inatsisartut ukiumoortumik nalunaarutaat 2008”-mik taagorneqalerpoq.) Ukioq manna juunip ulluisa 21-anni Namminersornerup eqqunneqarneranut peqatigitillugu aatsaat Inatsisartut aamma danskisut Inatsisartunut taaguutaalermata 2008-mut ukiumoortumik nalunaarutip danskisuuata qulequtaani “Landstingets Årsberetning 2008” Landstinget suli atorneqarpoq.
Ukiumoortumik nalunaarutip suliarinerani atuaruminarnerulernissaa anguniarneqarsimavoq. Taamaattumik aaqqissuinikkut suliaqarnermi toqqaaniarnermilu ukiumi qaangiuttumi pisimasut annertunerusumik pingaartinneqarput. Siusinnerusukkut saqqummersinneqartartunut sanilliullugu quppernerit amerlaqatigiinnangajannerinut pissutaavoq 2008-mi immikkoortut Inatsisartunit oqaluuserineqartut tamarmik takussutissartaat siullermeerutaasumik ilanngunneqarmata, paasissutissalli nalinginnaanerusut assersuutigalugu ataatsimiititaliat suliassaannut tunngasut peerneqarlutik.
2008-mut ukiumoortumik nalunaarut uani aaneqarsinnaavoq www.inatsisartut.gl/saqqummersitat naqitanngortitaq 2010-mi januarip qiteqqunnerani pissarsiariniarneqarsinnaalissaaq.
2010-p upernaap ingerlanerani 2009-mut ukiumoortumik nalunaarutip saqqummersinneqarnissaa Inatsisartut siunertaraat.