2024 2023 2022 Flere år...
03-01-2010
Inatsisartut ulloq 23. januar unnummi kultuurisiorfimmi ammassapput
Pisarnertut Inatsisartut unnummi kulturisiorfimmi ukioq manna arfininngornermi ulloq 23. januar ingerlanneqartussami peqataassapput. Matut piffissami 19:00-miit 22:00-imut ammassapput.
Inatsisartut sutortarfianni kalaallit kaagiannik illulerlugu kaffeqarlunilu teeqassaaq meeqqallu sutugassaqartinneqassallutik.
Tamakku saniatigut Inatsisartut ataatsimiittarfiata takuniarnissaanut, oqaluttarfimmi nikorfanissamut qinikkalluunniip nuannarisap issiaviani issianissamut periarfissaqassaaq.
Inatsisartut ataatsimiittarfiini Inatsisartut pillugit paasissutissiisoqassaaq tamatumunnga atatillugu Inatsisartut pillugit unammisitsisoqassalluni. Inatsisartuni sulisut peqataassapput Inatsisartunilu sulinermut tunngassuteqartunik oqaloqatigineqarsinnaallutik.