2024 2023 2022 Flere år...
10-03-2010
2010-imi upernaakkut ataatsimiinnissami ullormut oqaluuserisassat ilaasortallu siunnersuutaat piareerput
2010-mi upernaakkut ataatsimiinnermi, 9. apriilimi aallartittussami ullormut oqaluuserisassanut siunnersuutini Inatsisartut Siulittaasoqarfiata ullumi nassiuppaa.
Ilaasortat siunnersuutaat nutaat 43-t ullormut oqaluuserisassanut ilanngunneqarput. Naalakkersuisut siunnersuutinik katillugit 42-nik saqqummiussipput. Siunnersuutit 13-it UKA 2009-mi siullermeerneqarput aammalu UPA 2010-mi suliareqqinneqartussatut innersuunneqarlutik.
Taamaalilluni ullut ataatsimiiffiusut 17-it ingerlaneranni immikkoortut aalajangersimasut ilanngullugit ullormut oqaluuserisassat tamarmiusut siunnersuutinik katillugit 103-nik imaqassapput.
Ullut ataatsimiiffiusut ataasiakkaat ingerlaavartuussapput, tassa imaappoq immikkoortut ullormi ataatsimiiffiusumi angumerineqannngitsut ullormi ataatsimiiffiusussami tulliuttumi oqaluuserineqartassapput.
Ulloq 19. maj 2010 ullut ataatsimiiffiusut kingullersarissagaat naatsorsuutigineqarpoq.