Nutaarsiassat

27-05-2010

Inatsisartut noorliit inatsisartuisa takornariaqarnermut ataatsimiititaliaannit pulaarneqartut

Inatsisartut Siulittaasuata Josef Motzfeldtip noorliit inatsisartuisa takornariaqarnermut ataatsimiititaliaanniit aallartitat ullumi naapeqatigai.

2010.05.27 Besøg af turismeudvalget fra den tyske forbundsdag (77 of 82)

Josef Motzfeldtip aallartitat Inatsisartut ataatsimiittarfianni tikilluaqquai naatsumillu Inatsisartut nunatsinnilu naalakkersuinikkut suliaqarneq pillugit saqqummiivigalugit. Noorliit inatsisartuisa takornariaqarnermut ataatsimiititaliaat 18-inik ilaasortaqarpoq, taakkunannga Klaus Brähmig (siulittaasoq, Anita Schäfer, Gabriele Hiller-Ohm aamma Horst Meierhofer kiisalu ataatsimiititaliap allattaa Stefan Dehé oqaluttaallu Martina Nießen nunatsinnut tikeraarlutik.

Siulittaasup tikilluaqqusinera Aningaasaqarnermut ataatsimiititaliamut aamma Inuussutissarsiornermut ataatsimiititaliamut ilaasortanik oqaloqateqarnermik malitseqartinneqarpoq. Naaja Nathanielsen aamma Finn Karlsen apeqquterpassuit aallartitat siumut piareersareersimasaat akissuteqarfigisarpaat. Tikinneqartut amerlaqaat. Nunatsinni takornariaqarnerup ineriartornissamullu periarfissaasa saniatigut aamma nalinginnaasumik aningaasaqarniarnikkut inissisimaneq, ilinniartitaanikkut periarfissat siunissamilu inuussutissarsiornikkut periarfissarpassuit aamma apeqqutigineqartarlutillu oqallisigineqarput.

2010.05.27 Besøg af turismeudvalget fra den tyske forbundsdag (82 of 82)

Noorliit inatsisartuinit aallartitat nunatsinniinnertik Ilulissani aallartippaat, ilaatigut ”Destination Northgreenland” ataatsimeeqatigineqarluni. Aallartitat Nuumminnerminni arfininngorpat uternissamik tungaanut suli allanik ataatsimeeqatissaqarput, ilaatigut Takornariaqarnermut Inuussutissarsiornermullu Siunnersuisoqatigiinnik.

Paasissutissat sukumiinerusut Inatsisartut Siulittaasuannut Josef Motzfeldtimut angallattagaq +299 55 76 41 saaffiginnilluni pissarsiarineqarsinnaapput.