2024 2023 2022 Flere år...
04-10-2010
Inatsisartut Siulittaasuat Josef Motzfeldt Folketingip ataatsimiinnerata ammarneqarnerani peqataassaaq
Folketingip marlunngorpat ulloq 5. oktober nal. 12.00 Folketingip ukiua nutaaq aallartippagu Inatsisartut Siulittaasuat Josef Motzfeldt ammaanersiornermut peqataassaaq.
Ulloq nal. 10.00 aallartinneqassaaq Christiansborg Slotskirkemi Folketingimut ilaasortat naalagiaqatigiinnerannik. Dronningi kunngikkormiullu allat na. 11.45 Christiansborgimut apuutissapput Rigsdagsgårdimilu Folketingip majuartarfissuini natersuaaqqap tummarfissiap aappaluttut isuani Folketingip siulittaasuanit tikilluaqquneqassallutik.
Nal. 12 ataatsimiinneq siulleq aallartissaaq. Folketingip siulittaasussaanik tullissaanillu sisamanik nutaamik qinersisoqareerpat ministeriuneq Lars Løkke Rasmussen ammaanersiorluni oqalugiassaaq. Ammaalluni oqalugiaat Folketingip ataatsimiittarfiani oqallinnerit sivisunerpaasartut ilaannut, tassalu ammaanersiorluni oqallinnermut, ullut marluk qaangiunnerani pisartumut, aallaaviussaaq.
Paasissutissat sukumiinerusut Inatsisartut Allattaanerat Ellen Kolby Chemnitz oqarasuaat 34 61 04 attaveqarfigalugu pissarsiarineqarsinnaapput.