Nutaarsiassat

28-10-2010

Inatsisartut Siulittaasorisimasaat Jonathan Motzfeldt toqukkut qimaguppoq

Aliasuutigingaakkaminnik Inatsisartut tusarpaat ukiorpassuarni Inatsisartut Naalakkersuisullu siulittaasorisimasaat Palasi Jonathan Motzfeldt sivisuumik napparsimareerluni toqukkut qimaguttoq. Jonathan Motzfeldt 72-inik ukioqarluni qimaguppoq.

Taamaalillutik Jonathan Motzfeldtip toqukkut qimagunnera nalunaarutigineqarmat Inatsisartut ullumi ataatsimiinnertik unitsiinnarpaat.

Nulia, meerai ilaqutaalu eqqarsaatitsinniipput.

Eqqaaneqarnera ataqqinartuuli.

Josef Motzfeldt

Inatsisartut Siulittaasuat