Nutaarsiassat

Innuttaasut akornanni aningaasatigut inissisimanerup annertuumik ajornartorsiutaanera pillugu ulloq 15. december 2010-mi ataatsimiinnerminnut nangissutitut Naalakkersuisunut ilaasortanut arlalinnut matumani ilanngunneqartumik allakkiorniarlutik aalajangerput.

Ilaqutariinnermut Ataatsimiititaliap nalungilaa innuttaaqataasut ilaat eqqarsaatigalugit taakku aningaasaqarniarnikkut inissisimanerat imaannaaanngitsoq, tamatumunngalu peqatigitillugu Naalakkersuisunut kaammattuutigalugu piffissaq qaninnerusoq isigalugu aaqqissutissatut siunnersuutinik suliniutinillu aallartitseqqullugit maannangaaq decembarimi 2010-mi 2011-llu aallartilaarnerani inuussutissarsiummik ingerlatsiniarnerminni immikkut ajornartorsiuteqartut, aalisartut piniartullu allallu aningaasatigut ikiorserneqarnissamik inuussutissarsiornikkullu pitsanngorsaataasunik tigussaasunik pisariaqartitsisut. isertitaqarnissaat inuuniarnerminnilu naammaginartumik atugassaqartinneqarnissaat qularnaarniarlugu.

Inuiaqatigiinni pissakinnerusut aalaakkaanerusumik isersitaqarnissaat Ilaqutariinnermut Ataatsimiititaliamit kissaatigineqarpoq, taamaalilluni ilaqutariinni meerartalinni innuttaasunilu isertitaqarnissamut periarfissaqannginnermi ataavartumik inuttut kingunerlutsitsisoqaqqunagu.

Annertunerusumik paasisaqarusukkaanni Ilaqutariinnermut Ataatsimiititaliami ilaasortat attaveqarfigineqarsinnaapput.

Debora Kleist, Siulittaasoq, Ilaqutariinnermut ataatsimiititaliaq, mobil 49 03 90

Jane Petersen, Siulittaasup tullia, ilaasortaq, mobil 58 74 10