2024 2023 2022 Flere år...
03-02-2011
Jane Petersen Aleqa Hammondilu ICC-mik pilersitseqataasut ilaat naggueqatigiillu Inuit oqaasiisa ineriartortuarnissaannik sorsuutiginnissimasoq Jose Kusugaq eqqaaniarlugu naalagiaqatigiinnermut peqataassapput
Jane Petersen Aleqa Hammondilu ulluni makkunani Inatsisartut Nunanut allanut Sillimaniarnermullu Ataatsimiititaliaanni ilaasortatut Nunavummiipput ilaatigut Nunavummi naalakkersuisoqarfinnik assigiinngitsunik issittumilu pissutsit pillugit naalakkersuinikkut susassaqartunik allanik ataatsimeeqateqariartorlutik.
ICC-p pilersinneqarnerani peqataasut ilaata Inuillu oqaasiisa ineriartortuarnissaannik sorsuutiginnissimasup Jose Kusugak ulloq 18. januar toqukkut qimagunnerata kingorna tallimanngornermi ulloq 4. februar Eqalunni eqqaaniaalluni naalagiaqatigiinnermi Jane Petersen Aleqa Hammondilu peqataassapput.
Jose Kusugak naggueqatigiit Inuit nammineernerulernissaannik taamatullu aamma oqaasiisa illersorneqarnissaannik siuarsarneqarnissaannillu sulissuteqartuarnikuuvoq. Nunanut allanut Sillimaniarnermullu Ataatsimiititaliami ilaasortat marluk erseqqissarpaat Jose Kusugak qujassutissaqarfigeqigipput, uteriilluni suliuarneratigut issittumi oqaatsivut ataqqineqarlutik pingaartinneqarnerulersimammata.