2024 2023 2022 Flere år...
03-02-2011
UPA2011-mut oqaluuserisassat ullullu ataatsimiiffiusut 18-it ingerlaneranni suliarineqartussat Siulittaasoqarfiup saqqummiuppai
UPA2011-mut oqaluuserisassat ullullu ataatsimiiffiusut 18-it ingerlaneranni suliarineqartussat Siulittaasoqarfiup saqqummiuppai
Inatsisartut siulittaasuata Josef Motzfeldtip nuannaarutigaa 2011-mi upernaakkut ataatsimiinnissamut oqaluuserisassanut siunnersuut immikkoortullu oqaluuserineqartussat siulittaasoqarfiup ippassaq ataatsimiinnermini akuerimmagit
Taamaalilluni Inatsisartut upernaakkut ataatsimiinnerat pilersaarutit malillugit marlunngornermi ulloq 1. marts aallartissaaq, ulloq 13. april naammassereersimanissaa naatsorsuutigineqarluni.
Oqaluuserisassatut siunnersuutit ullut ataatsimiiffiusut 18-it ingerlaneranni naammassineqarnissaat naatsorsuutigineqarpoq. Ulluni ataatsimiiffiusuni ataatsiakkaani oqaluuserisassat ingerlaavartumik oqaluuserineqartassapput, immikkoortut ullormi ataatsimiiffiusumi angumerineqanngitsut ullormi ataatsimiiffimmi tullermi oqaluuserineqartassallutik.
Sapaatit akunnerini ataatsimiiffiusussani ullut ataatsimiiffiusartussat imaapput:
- Sapaatit akunnerini 9, 10, 11 aamma 12-imi ullut ataatsimiiffiusut pingasuussapput (marlun-ngornerit, pingasunngornerit sisamanngornerillu).
- Sapaatit akunnerini 13, 14 aamma 15-imi ullut ataatsimiiffiusut marluussapput (marlun-ngornerit pingasunngornerillu).
Inatsisartunut ilaasortanit oqaluuserisassatut siunnersuutit nutaat 49-ut oqaluuserisassanut ilan-ngunneqarput. Nunat Avannarliit Killiit Siunnersuisoqatigiiffiat ataatsimiinnermi oqaluuserisassatut kaammattuutitut aalajangersakkanik tallimanik oqaluuserisassanut nalunaaruteqarpoq.
Siulittaasoqarfiup aamma aalajangerpaa suleriaatsimi § 37, imm. 5 naapertorlugu aalajangersimasumik sapaatip akunnikkaartumik akunnermik apeqquteqarfiusinnaasoqassasoq. Sapaatip a-kunnikkaartumik pingasunngornerit tamaasa nal. 11:00-imiit 12:00-imut apeqquteqartoqartarsin-naassaaq, tamatumalu kingorna unikkallartoqartassalluni ataatsimiinnerit nal. 13:00 aallarteqqinnissaasa tungaannut.
UKA2010-mut tunngatillugu atortussat tamarmik aqagumiit inatsisartut.gl-imi takuneqarsinnaapput. Atortussanik tamanik ingerlaavartumik qarasaasiakkut pissarsisarnissamut nalunaarnissamut periarfissaqarpoq. Tamanna kissaatigigaanni Laila Kristensen lkri@inatsisartut.gl saaffigineqartassaaq.
Josef Motzfeldt
Inatsisartut Siulittaasuat
Paasissutissat sukumiinerusut Inatsisartut Siulittaasuannut Josef Motzfeldtimut angallattagaq 55 76 41 saaffiginnilluni pissarsiarineqarsinnaapput.