2024 2023 2022 Flere år...
02-05-2011
Maajip aallaqqaataani SIK-p siulittaasuata Inatsisartut aamma ileqqorissaarnermik akisussaassuseq pillugit oqalugiaataanut oqaaseqaatit
Matumuuna nalunaarutigineqarpoq 2010-mut Inatsisartut ukiumoortumik nalunaarusiaat nittartakkamut ilangunneqaqqammermat tamanut saqqummiunissaata pisariaqanngitsumik kinguarsarneqannginnissaa pissutigalugu naqiterneqarluni saqqummertussaq naqiterisitsisarfimmit Naqitat-nit piffissaliunneqartutut isumaqatigiissut naammassineqarsinnaanngimmat.
Naqiterisitsisarfiup Naqitat-p pitsaassuseq kissaatigineqartoq aamma piffissaliussaasutut isumaqatigiissutigineqartoq naammassillugu tunniullugulu eqqortissinnaasimanngilaa, kiisalu iluarsiissutaaratarsinnaasunut piffissaq atugassaq isiginiarsimanagu.
Suliami oggarnarnerpaavoq suliassiissutaasoq Kalaallit Nunaanni suliarineqarsimanngitsoq piffissarititaasup aatsaat qaangiuteqareernerani naqiterisitsisarfiup Naqitat nalunaarutigimmagu. Naatsorsuutigisimanngisatsitut naqitsinnera Danmarkimi isumagitinneqarsimavoq. Paasissutissaq uissuummissutigaarput, tamannami Inatsisartut Allattoqarfiata nunatsinni naqiterisitsisarfimmik atuinnginneranut naqiterisitsisarfiup tamanut ammasumik isornartorsiuineranut tulluanngilluinnarmat.
Naalakkersuinikkut aalajangiisartut, Inatsisartut siulittaasoqarfiat naqiterisitsisarfimmit Naqitat-nit sianiinnaarneqarlutik misigisimapput, taamaattumillu suliaq pillugu tamanut ammasumik utoqqatserfigineqarnissaq pissusissamisooraluarluni, taamaalilluni kattuffiup maajip aallaqqaataani oqalugiaataani pineqartutut Inatsisartut eqqunngitsuliorfigineqarnerat ersersinneqassammat.
Josef Motzfeldt
Inatsisartut Siulittaasuat
Paasissutissat sukumiinerusut Inatsisartut Siulittaasuat Josef Motzfeldt angallattagaq 55 76 41 attaveqarfigalugu pissarsiarineqarsinnaapput.