2024 2023 2022 Flere år...
03-06-2011
Siulittaasoqarfiup ataatsimiititaliat arlallit kattunneqarnissaat aalajangerpaa
Inatsisartut Siulittaasoqarfiata isumaqatigiittup ulloq 1. juni aalajangerpaa 2011-mi ukiakkut ataatsimiinnermiit ataatsimiititaliat amerlassusii allanngortinniarlugit, 2011-mi ukiakkut ataatsimiinnermiit atuutilersumik ataatsimiititaliat uku kattunneqarnerisigut:
Ataatsimiititaliat kattuttut
|
Taaguutaa nutaaq |
Inatsisit Atortinneqarnerannut Ataatsimiititaliaq Nunami namminermi pissutsinut Ataatsimiititaliaq Eqqissisimatitsinermut Ataatsimiititaliaq |
Inatsisinut Ataatsimiititaliaq
|
Kukkunersiuinermut Ataatsimiititaliaq Akileraartarnermut Akitsuusiisarnermullu Ataatsimiititaliaq |
Akileraartarnermut Kukkunersiuinermullu Ataatsimiititaliaq |
Attaveqaqatigiinnermut Ineqarnermullu Ataatsimiititaliaq Avatangiisinut Ataatsimiititaliaq |
Sanaartornermut Avatangiisinullu Ataatsimiititaliaq |
Ilaqutariinnermut Ataatsimiititaliaq Peqqissutsimut Ataatsimiititaliaq |
Ilaqutariinnermut Peqqissutsimullu Ataatsimiititaliaq |
Aalisarnermut, Piniarnermut Nunalerinermullu Ataatsimiititaliaq Inuussutissarsiornermut Ataatsimiititaliaq Aatsitassanut Ataatsimiititaliaq Nunatsinni aluminiumik aatsitsiviliortoqarsinnaaneranut Ataatsimiititaliaagallartoq |
Pisuussutinut Ataatsimiititaliaq |
Siulittaasoqarfik 2011-mi ukiakkut ataatsimiinnermut suleriaatsimut allannguutissatut siunnersuummik saqqummiussaqarniarpoq, ataatsimiititaliat nutaat massakkutut tallimanik ilaasortaqaratik arfineq-marlunnik ilaasortaqalersinnaalersillugit.
Siulittaasoqarfiup taamatut aalajangernermigut kissaatigaa ilaasortat sulinerisa nukittorsarneqarnissaat ilaasortat taamatut kattussinikkut ataatsimiititaliani assigiinngitsuni ataatsimiinnernik arlalinnik ataqatigiissaarisussaajunnaarlutik ataatsimiititaliami ataatsimi suliassaqarfimmik annerusumik aallussisinnaalissammata. Siulittaasoqarfiup naatsorsuutigaa taamatut ataatsimiititalianik kattussinikkut suliassaqarfiit pissusissamisoortumik imminnut atasut ataatsimiititaliamilu ataatsimi suliarineqartarsinnaasut suliarineqartarnerat nukittorsarneqassasoq.
Taamatut allanngortitsinikkut ataatsimiititaliat ataavartut ullumikkut aqqaniliusut sisamanngussapput. Ataatsimiititaliat aalajangersimasut amerlassusii allanngussanngillat, taamaalillunilu ataatsimiititaliat tamarmiusut inatsisit malillugit pilersinneqarsimasussat ilanngullugit katillugit quliulissallutik.
Taamaalilluni ataatsimiititaliat aalajangersimasut ukuulissapput:
Siulittaasoqarfik
Aningaasaqarnermut Ataatsimiititaliaq
Nunanut allanut Sillimaniarnermullu Ataatsimiititaliaq
Akileraarnermut Kukkunersiuinermullu Ataatsimiititaliaq
Inatsisinut Ataatsimiititaliaq
Qinigaanerup Misilinneqarnissaanut Ataatsimiititaliaq
Taamaalilluni ataatsimiititaliat ataavartut ukuulissapput:
Sanaartornermut Avatangiisinullu Ataatsimiititaliaq
Ilaqutariinnermut Peqqissutsimullu Ataatsimiititaliaq
Pisuussutinut Ataatsimiititaliaq
Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliaq
Siulittaasoqarfik, Suleriaatsimut Ataatsimiititaliatut aamma atuuttoq, Qinigaanerup Misilinneqarnissaanut Ataatsimiititaliaq aamma Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliaq eqqarsaatigalugit allanngortitsisoqanngilaq.
Soorlu aamma suleqatigiiffiit assigiinngitsut aallartitaqarfiusartut amerlassusiat taamaaginnassasoq:
Aallartitaqarfiusartut:
Nunat Avannarliit Killiit Siunnersuisoqatigiiffiat - arfinilinnik aallartitaqarfiusartoq
Nunat Avannarliit Siunnersuisoqatigiiffiat - marlunnik aallartitaqarfiusartoq
Inuit Issittormiut Siunnersuisoqatigiiffiat - pingasunik aallartitaqarfiusartoq
Naalagaaffiit Peqatigiit Ataatsimeersuarnerat - marlunnik aallartitaqarfiusartoq
Josef Motzfeldt
Inatsisartut Siulittaasuat
Paasissutissat sukumiinerusut Inatsisartut Siulittaasuat Josef Motzfeldt angalattagaq 55 76 41 attaveqarfigalugu pissarsiarineqarsinnaapput.