2024 2023 2022 Flere år...
16-08-2011
Inatsisartut ataatsimiittarfiat Kommuneqarfik Sermersuumi kommunalbestyrelsimut atukkiunneqarpoq
Ulloq 30. august 2011 Kommuneqarfik Sermersuumi kommunalbestyrelse Inatsisartut ataatsimiittarfianni ataatsimiissaaq.
Inatsisartut ilisimaneqartutut 2011-mi upernaakkut ataatsimiinnerminni ullut ataatsimiiffusut kingulliit Kommuneqarfik Sermersuumi kommunalbestyrelsip ataatsimiittarfiani ingerlattaqariaqarsimavaat Inatsisartut ataatsimiittarfiata oqaqalersimaneranik pasitsaassigaluarneq pissutigalugu. Maannalu akerlianik pisoqartussanngorpoq, tassami Kommuneqarfik Sermersuup Inatsisartut ataatsimiittarfiat ulloq 30. august 2011 atortussanngormagu. Tamatumunnga pissutaavoq massakkorpiaq kommunalbestyrelsip ataatsimiittarfiata natia taarsersorneqarmat, paasinarsisimallunilu tamatuma aallaqqaataaniit naatsorsuutigineqartumut sivisunerusumik ingerlanneqarnissaa.
Inatsisartut Siulittaasoqarfiata nuannaarutigaa taamatut kommune ataatsimiiffiusinnaasumik allamik ujarlernerani ikiorsinnaagamiuk.
Josef Motzfeldt
Inatsisartut Siulittaasuat
Paasissutissat sukumiinerusut Inatsisartut Siulittaasuat Josef Motzfeldt angallattagaq 55 76 41 attaveqarfigalugu pissarsiarineqarsinnaapput.