2024 2023 2022 Flere år...
26-01-2012
2011-mi Inatsisartut ukiakkut ataatsimiinnerat maanna DVD-nngorlugu misigeqqinneqarsinnaanngorpoq
Siorna Inatsisartut ukiakkut ataatsimiinnerat maanna DVD-nngorlugu tusarnaarneqarsinnaalerpoq. Inatsisartut Ataatsimiittarfianni ataatsimiinnerit immiunneqarsimapput, taamaallaallu qarasaasiat atorlugit tusarnaarutikkut tusarnaaqqinneqarsinnaanngorlugit saqqummersinneqartarlutik. 2011-mi ukiakkut ataatsimiinnermi tamarmiusumi oqaluuserisani immikkoortut tamarmik ataasiakkaarlugit nipitalerlugit pappiarartaalu naqinneqarsinnaasunngorlugit DVD-mi nassaarineqarsinnaapput.
Ataatsimiinnermi kingullermi qulequttanik Inatsisartut oqaluuserisimasaannik soqutiginnissinnaasut - innuttaasut, tusagassiorfiit, atorfilittat naalakkersuinermillu suliallit - oqaluuserineqarsimasunik paasisaqarnerusinnaanissaat DVD-mik saqqummersitsinikkut siunertarineqarpoq. Internettimut isernissamut periarfissaqanngitsuni DVD-p atorneratigut tamanna aamma ajornarunnaarpoq.
DVD nunatsinni tamarmi tigusisussanut maanna agguaanneqarpoq, kommunit, atuagaateqarfiit, ingerlaqqiffiusumik ilinniarfiit soqutigisaqaqatigiiffiillu ilanngullugit. DVD taamatuttaaq Inatsisartut Attaveqaqatigiinnermut immikkoortortaani pissarsiarineqarsinnaavoq una attaveqarfigalugu komm@inatsisartut.gl.
Josef Motzfeldt
Inatsisartut Siulittaasuat
Paasissutissat sukumiinerusut Inatsisartut Siulittaasut Josef Motzfeldt mobil 55 76 41 attaveqarfigalugu pissarsiarineqarsinnaapput.