2024 2023 2022 Flere år...
31-01-2012
Inatsisartut immikkut ittumik ataatsimiigiaqquneqarnissaannik kissaateqarneq pillugu Si-ulittaasoqarfiup aalajangernera
Inatsisartut immikkut ittumik ataatsimiigiaqquneqarnissaannik Siumut piumasarsimavoq.
Inatsisartut Suleriaasianni § 38, imm. 3 naapertorlugu manna atuuppoq:
"Inatsisartut Siulittaasuata pisariaqartileraangagu imaluunniit Naalakkersuisut Siulittaasuata piumasarigaangagu Inatsisartunulluunniit ilaasortat ikinnerpaamik affaasa piumasarigaangassuk Inatsisartut piffissaagallartillugu sioqqutsisumik nalunaarfigineqareernertik tunngavigalugu immikkut ittumik ataatsimiittassapput. Immikkut ittumik ataatsimiinnerni suliassat immikkut ittumik ataatsimiigiaqqusinermut tunngavigineqartut kisimik Inatsisartuni oqaluuserineqartassapput."
Taamaalillu suleriaaseq malillugu siulittaasup nammineq naliligassaraa ataatsimiigiaqqusisoqassanersoq. Taamatut kissaateqarnerup sukumiinerusumik naalakkersuinikkut oqallisigineqarnissaa qularnaarniarlugu Inatsisartut Siulittaasuata siulittaasoqarfik ataatsimiigiaqqusimavaa.
Tamanna tunngavigalugu erserpoq taamatut kissaateqarneq Inatsisartuni amerlanerussuteqartunit tapersersorneqanngitsoq.
Ilanngullugu oqaatigineqassaaq § 38, imm. 3 naapertorlugu ataatsimiigiaqqusisoqassappat tamanna aamma "piffissaagallartillugu" pisartussaammat, taamaattumillu immikkut ittumik ataatsimiigiaqqusisoqassagaluarpat tamatumunnga piffissangaatsiakasik aamma atorneqartussaagaluarluni upernaakkut ataatsimiinnissamut aggersumut siunnersuutinik tunniussaqarnissamut piffissarititaasumut marsip ulluisa qulingiluaannut aporaattussaalluni.
Taamaattumik Siulittaasoqarfiup ullumi ataatsimiinnermini aalajangerpaa taamatut kissaateqarneq itigartinniarlugu.
Josef Motzfeldt
Inatsisartut Siulittaasuat
Paasissutissat sukumiinerusut Inatsisartut Siulittaasut Josef Motzfeldt mobil 55 76 41 attaveqarfigalugu pissarsiarineqarsinnaapput.