2024 2023 2022 Flere år...
09-02-2012
2012-imiit 2016-imut nioqqutissanik pilersuineq pillugu KNI A/S-imut kiffartuunneqarnissa-mik isumaqatigiissut pillugu KNR-imi ilanngussaq pillugu 2012-imiit 2016-imut nioqqutissanik pilersuineq pillugu KNI A/S-imut kiffartuunneqarnissa-mik isumaqatigiissut pillugu KNR-imi ilanngussaq pillugu
Marlunngornermi ulloq 7. februar 2012 nioqqutissanik pilersuineq pillugu Namminersorlutik Oqartussat KNI-llu akornanni nutaamik kiffartuunneqarnissamik isumaqatigiissuteqarnissamut suliaqarnermi killiffik pillugu KNR ilanngutassiivoq.
KNR-imi ilanngutassiami oqaatigineqarpoq Kangerlussuarmi mittarfimmi nunatsinnut tikinnermi akitsuuteqanngitsunik tunisaqarsinnaajunnaarsimaneq tunngavigalugu KNI-p aningaasartuutigisimasinnaasaasa matussuserneqarnissaasa isumaqatigiinngissutaanerat suli nioqqutissanik pilersuineq pillugu nutaamik kiffartuunneqarnissamik isumaqatigiissuteqartoqarsimannginneranut pissutaasut annersarigaat. Tamannali ilumuunngilaq.
Namminersorlutik Oqartussat KNI-llu akornanni kiffartuunneqarnissamik isumaqatigiissut kingulleq ulloq 31. december 2011 atuukkunnaarpoq. Aningaasaqarnermut Ataatsimiititaliami amerlanerussuteqartut 2011-mi decembarip qaammataani ukiunut tullittunut nioqqutissanik pilersuineq pillugu nutaamik kiffartuunneqarnissamik isumaqatigiissummut missingiut Naalakkersuisut KNI-llu akor-nanni isumaqatigiissutaasimasoq akueriniarnagu aalajangerput. Aningaasaqarnermut Ataatsimiititaliap akuersissuteqarneratigut piffissamut 2012-imi januaarimiit marsimut nutaamik kiffartuunne-qarnissamik isumaqatigiissuteqartoqarallarsimavoq.
Aningaasaqarnermut Ataatsimiititaliap 30. december 2011 aalajangiinermini immikkut pingaartip-paa imaassorinarmat kiffartuunneqarnissamik isumaqatigissutikkut nutaakkut KNI-p pisiniarfiisa ammasarfii annertuallaamik akuleruffiginiarneqartut taamatullu aamma nerisassaangitsut tuniniar-neqarsinnaasut annrrtuallaamik killilerniarneqartut. Nioqqutissanik akitsuuteqanngitsunik nunatsinnut tikinnermi pisisinnaajunnaarsimaneq akerlianik suliami sunnguamilluunniit eqqaaneqarsiman-ngilaq.
Suliassami Aningaasaqarnermut Ataatsimiititaliap aalajangiineri Aningaasaqarnermullu Ataatsimiititaliamut ilaasortat pillugit paasissutissat http://www.ina.gl/aa-imi nassaarineqarsinnaapput.
Aningaasaqarnermut Ataatsimiititaliaq sinnerlugu
Andreas Uldum
Siulittaasoq