Nutaarsiassat

19-04-2012

Nuussuarmi oqaluffittaarnissamut atsiornernik katersat Inatsisartut Siulittaasuata Josef Motzfeldtip tiguai

Nuussuarmi oqaluffiliornissaq pillugu atsiornernik katersat Inatsisartut Siulittaasuannut ulloq 19. april tunniunneqarput. Atsiornernik katersat suliniuteqartunit aammalu ilagiit sinniisaanni ilaasortaasunit Ruth Holmimit Aggooraq Lyngemillu tunniunneqarput. Atsiornerit 2200-it pallillugit amerlassuseqartut sapaatit akunnerisa pingasut ingerlanerinnaanni katersorneqarsimapput atsiornernillu katersineq ingerlaannassasoq katersuisut marluusut siulittaasumut paasissutissiissutigaat.

Naalakkersuisut suliamik ingerlatitseqqinnissaat qinnutigalugu atsiornernik katersat Inatsisartut Siulittaasuata Naalakkersuisut Siulittaasuannut tunniutissavai.

Josef Motzfeldt

Formand for Inatsisartut

Paasissutissat sukumiinerusut Inatsisartut Siulittaasuat Josef Motzfeldt angallattagaq nr. 55 76 41 attaveqarfigalugu pissarsiarineqarsinnaapput.