Nutaarsiassat

15-08-2012

Jens Kristian Friis Sallingip sølviusumik Nersornaaserneqarnera

Inatsisartut Siulittaasuata Jens Kristian Friis Salling ullumi 15. august 2012-imi Qeqertarsuarmi neriniartarfimmi Arthurimi nalliuttorsiornermi sølviusumik Nersornaaserpaa.

Minnerunngitsumik maani illoqarfigisamini Qeqertarsuarmi, kisiannili aamma nunatsinni aalisarnermik inuussutissarsiuteqarnerup ineriartortinneqarnera eqqarsaatigalugu piffissami sivisuumi annertuumillu inuussutissarsiorneq eqqarsaatigalugu nersortarialimmik suliaqarsimanera pissutigalugu Siulittaasoqarfiup Jens Kristian Friis Salling sølviusumik Nersornaaserpaa.

Jens Kristian Friis Sallingimut oqalugiaammini Siulittaasup makku ilaatigut erseqqissaatigai:

"Suliffeqarfik ingerlatseqataaffigisat namminersorluni aalisarnermik inuussutissarsiuteqarnermi nunatsinni anginerit pingaarnerillu ilagaat. Tamatuma saniatigut Qeqertarsuup illoqarfiani takornarniartitsisarnermik inuussutissarsiuteqarnerup ineriartorneranut malunnaatilimmik tunniussaqarsimavutit, suliffitsialannik aamma pilersitsiviusimasumik. (.) Sulinikkut uppernarsisimavat aamma nunatsinni suliffeqarfimmik annertuumik unammillersinnaasumillu ingerlatsisoqarsinnaasoq, minnerunngitsumik inuussutissarsiummi ulluinnarni nunat tamalaat akornanni annertuumik unammilleqatigiiffiusumi, taamaalillunilu aamma suliffeqarfiit peqataasimalluni inuussutissarsiummi pineqartumi nunatta isigineqarnerata pitsanngorsarnerani nukittorsarneqarneranilu."

Josef Motzfeldt

Inatsisartut Siulittaasuat

Paasissutissat annertunerusut Inatsisartut Siulittaasuannut Josef Motzfeldtimut mobil 55 76 41-imut attaveqarnikkut pssarsiarineqarsinnaapput.