2024 2023 2022 Flere år...
22-11-2012
Inatsisartut ullumi aalajangerpaat ukiakkut ataatsimiinneq 2012 immikkut ullunik ataatsi-miiffiusussanik marlunnik sivitsorneqassasoq
Inatsisartut Siulittaasoqarfiata Inuussutissarsiornermut Ataatsimiititaliamit saaffiginnissut tunngavigalugu Inatsisartunut inassutigaat 2012-imi ukiakkut ataatsimiinneq immikkut ullunik ataatsimiiffiusussanik marlunnik sivitsorneqassasoq.
2012-imi ukiakkut ataatsimiinneq ulloq 27. november naammassisussatut pilersaarutaagaluarpoq.
Inatsisartut ullumi aalajangerpaat ukiakkut ataatsimiinneq immikkut ullunik ataatsimiiffiusussanik marlunnik sivitsorneqassasoq, tassa decembarip ulluisa arfernganni arfineq-aappaannilu.
Ukiakkut ataatsimiinnerup sivitsorneqarneratigut Inuussutissarsiornermut Ataatsimiititaliaq inatsisissatut siunnersuutit annertuut marluk naammassillugit suliarineqarnissaannut taamaasilluni piffissamik pisariaqartumik tunineqarpoq. Tassani pineqarput oqaluuserisassani immikkoortut 110 suliniutit annertoorsuit pillugit inatsisissatut siunnersuut aamma 112 aatsitassanut inatsisip allanngor-tinneqarnissaanut siunnersuut.
|
Imm. 110. |
Uunga siunnersuut: Suliniutini angisuuni illuliortiternernik sanaartornernillu suliassat pillugit Inatsisartut inatsisaat nr. xx, xx. xx 2012-imeersoq. |
|
Imm. 112. |
Uunga siunnersuut: Aatsitassat pillugit ingerlatallu tamatumunnga pingaarutillit pillugit Inatsisartut inatsisaata allannguuteqartinneqarnissaa pillugu Inatsisartut inatsisaat nr. 7, 7. december 2009-meersoq (aatsitassanut ikummatissanullu inatsit). |
Tamanna isumaqarpoq ulluni immikkut ataatsimiiffiusuni sisamanngornermi ulloq 6. december imm. 110 aamma 112 aappassaaneerneqassasut tallimanngornermilu ulloq 7. december pingajussaaneerneqarlutik.
Josef Motzfeldt
Inatsisartut Siulittaasuat
Paasissutissat sukumiinerusut Inatsisartut Siulittasuat Josef Motzfeldt oqarasuaat 55 76 41 attaveqarfigalugu pissarsiarineqarsinnaapput.