2024 2023 2022 Flere år...
04-01-2013
Preben Lange-imut eqqaaniut
Namminersornerulernitta pileqqaarneraniit naalakkersuinikkut siukkat malunnaatillit ilaata qimappaatigut.
Inatsisartunut Folketingimillu ilaasortaasimasoq Preben Lange toqukkut qimaguppoq. Preben Lange 64-inik ukioqalerpoq.
Preben Lange 1979-imi namminersornerulernitsinniit 1991-ip tungaanut Inatsisartunut ilaasortaavoq, taamatullu aamma piffissami 1979-imiit 1987-imut Folketingimut ilaasortaalluni.
Preben Langep, ulluinnarnilu taaneqartarneratut Perip, naalakkersuinikkut anguniakkani nalorngissutiginngisaannarnikuuai, taamaattumillu qinikkatut suleqatiginikuusarpassuisa nipaa ersarissoq ilaarunnartumillu qungujunnartunnguanik nuannarisaqarnera eqqaamassavaat.
Preben Lange ilinniartitsisutut ilinniarsimasuuvoq.
Perip qimatai eqqarsaatinniitippakka. Eqqaaneqarnera ataqqinartuuli.
Josef Motzfeldt
InatsisartutSiulittaasuat