2024 2023 2022 Flere år...
24-01-2013
Imarsiornermik Ilinniarfiup aamma ilinniarfiit allat illoqarfinnut allanut nuutinneqarnissaanut tunngatillugu Ilinniartitaanermut Naalakkersuisumut kaammatuut
Kultureqarnermut, Ilinniartitaanermut, Ilisimatusarnermut Ilageeqarnermullu Ataatsimiititaliap matumuuna tusagaassiutinut nalunaarutigissavaa, Paamiuni Imarsiornermik kiisalu Piniarnermut Aalisarnermullu Ilinniarfiup Uummannamiittup illoqarfinnut allanut nuutinneqarnissaanut atatillugu, Ilinniartitaanermut Naalakkersuisup aammalu ilinniarfinni ataasiakkaani siulersuiusuusut, sulisut ilinniartullu qanimut naapillugit isumasioqatigiinnissaannut kaammattorlugu allaffigimmagu.
Taamaaliornikkut qanimut oqaloqatigiinnerit paasissutisseeqatigiinnerillu toqqissisimasumik tamanut kinguneqarnissaat Ilinniartitaanermut ataatsimiititaliamit angorusunneqarluni pissusissamisoortutut nalilerneqarmat.
Hans Aronsen
Kultureqarnermut, Ilinniartitaanermut, Ilisimatusarnermut Ilageeqarnermullu
Ataatsimiititaliami siulittaasoq
Paasissutissanik annertunerusumik pissarsiniarnermi ataatsimiititaliami siulittaasoq Hans Aronsen +299 53 82 27 oqarasuaat angallattagaq atorlugu attavigineqarsinnaavoq.