2024 2023 2022 Flere år...
25-03-2013
Inatsisartut Inissitsiterlutik Ataatsimiinnerat IIA13 ulloq 5. april 2013
Inatsisartut oqaluuserisassanut ataatsimiititaliarigallagaata ullumi ataatsimiinnermini aalajangerpaa Inatsisartut inissititernissaminnut ataatsimiigiaqquneqassasut tallimanngornermi ulloq 5. april 2013 nal. 11.00.
Ulloq pisarnertut aallarnerneqasssaaq Hans Egedep Illuani ataatsimut nal. 9.00 kaffisoqatigiinnermik. Tamatuma kingorna ilaasortat Annaassisitta Oqaluffianut nal. 10.00 naalagiarnissamut ingerlaaqatigiissapput.
Inissititerfiusumik ataatsimiinneq 2013 naatsorsuutigineqarpoq ulluni inissititerfiusuni marlunni ingerlanneqassasoq, tassalu ulloq 5. april nal. 11.00 aamma ulloq 8. april nal. 13.00.
Inissititerfiusumik ataatsimiinneq naatsorsuutigineqarpoq ullormik ataatsimik immikkut ittumik ataatsimiiffiusumik ulloq 9. april sivitsorneqarumaartoq, naalakkersuisunit oqaluuserisassat ataasiakkaat kingusinnerusukkut ataatsimiinnissamut kinguartinneqarsinnaassagunanngimmata.
IIA13 eqqarsaatigalugu atortussat tamarmik www.inatsisartut.gl-imi takuneqarsinnaapput. Taamatuttaaq periarfissaqarpoq atortussat tamaasa ingerlaavartumik qarasaasiakkut tigusarnissaannut. Tamanna kissaatigigaanni Laila Kristiansen lkri@inatsisartut.gl atorlugu attaveqarfigineqarsinnaavoq.
Lars-Emil Johansen
Inatsisartunut sivisunerpaamik ilaasortaasimasoq