2024 2023 2022 Flere år...
05-04-2013
Lars-Emil Johansen Inatsisartut siulittaasussaattut qinerneqarpoq
Ullaap tungaa nalunaaqutaq aqqanernut Inatsisartunut sivisunerpaamik ilaasortaasimasup Lars-Emil Johansenip Inatsisartut inissititerfiusumik ataatsimiinnerat ammarpaa, tamatumalu kingorna Inatsisartut siulittaasussaattut qinerneqarluni.
Siulittaasussamik qinersisoqareermat Inatsisartut Siulittaasoqarfiat nutaaq qinerneqarpoq ukunanngalu ilaasortaqalerluni:
|
Inatsisartut Siulittaasuat Lars-Emil Johansen (S) |
Sinniisussaralugu Doris Jakobsen (S) |
| Siulittaasup tullia siulleq Agathe Fontain (IA) | Sinniisussaralugu Hans Aronsen (IA) |
| Siulittaasup tulliisa aappaat Kim Kielsen (S | Sinniisussaralugu Kristian Jeremiassen (S |
| Siulittaasup tulliisa pingajuat Ane Hansen (IA) | Sinniisussaralugu Juliane Henningsen (IA) |
| Siulittaasup tulliisa sisamaat Finn Karlsen (S) | Sinniisussaralugu Kaj Lyberth (S) |
Siulittaasoqarfik Inatsisartut ataatsimiittarfianni ulluni ataatsimiiffiusussani aggersuni pisussat pilersaarusiorniarlugit ullumi nal. 16.00 siullermeerluni ataatsimiippoq. Siulittaasoqarfiup tassani aalajangerpaa ulloq 9. april immikkut ittumik ataatsimiiffiussasoq.
Arfininngornermi ulloq 6. april Inatsisartunut nutaamik qinigaasut pikkorissarlutik isumasioqati-giissinneqassapput.
Ataasinngorpat ulloq 8. april Inatsisartut inissititerlutik ataatsimiinnertik nangissavaat, ilaatigut Inatsisartut Ombudsmandissamik kiisalu ataatsimiititalianut inatsisit naapertorlugit pilersinneqar-tussanut ataatsimiititalianullu ataavartunut, taamatullu aamma siunnersuisoqatigiiffinnut aalaja-ngiisartutullu ataatsimiititaliani, ilaasortaatitassaminnik qinersissallutik.
Inatsisartut oqaluuserisassallu pillugit paasissutissat sukumiinerusut www.inatsisartut.gl-imi takuneqarsinnaapput.
Paasissutissat sukumiinerusut Inatsisartut Siulittaasuat Lars-Emil Johansen angallattagaq 55 19 15 attaveqarfigalugu pissarsiarineqarsinnaapput.