2024 2023 2022 Flere år...
07-05-2013
Aatsitassanut Ataatsimiititaliaq aamma Aningaasaqarnermut Akileraartarnermullu Ataatsimiititaliaq ulluni 6. - 8. maj 2013 isumasioqatigiittut
Inatsisartut Aningaasaqarnermut Akileraartarnermullu Ataatsimiititaliaannut kiisalu Aatsitassanut Ataatsimiititaliaannut ilaasortat ulluni 6. - 8. maj 2013 nunatsinni aatsitassarsiornerup ineriartornera pillugu inuiaqatigiillu kalaallit ineriartornermit tamatuminnga qanoq annertunerpaamik pissarsiaqarsinnaanerannut paasisaqarnerorusullutik Nuummi isumasioqatigiipput.
Isumasioqatigiinnermi siunertarineqarpoq ataatsimiititaliamut ilaasortat nutaat qinigaaffimmut matumunnga minnerunngitsumillu ukiakkut ataatsimiinnermut aggersumut atatillugu ataatsimiititaliat suliassaannut unammilligassaannullu tunngaviusumik piareersareernissaat. Isumasioqatigiinneq taamatuttaaq Københavnimut ataatsimiititaliat marluk qaammatip naalernerani paasisassarsiorlutik angalanissaannut piareersarneruvoq.
Isumasioqatigiinnermi ataatsimiititaliat Aatsitassanut Inuussutissarsiornermullu Naalakker-suisumik aamma Aningaasaqarnermut Nunamilu namminermi pissutsinut Naalakkersuisumik kiisalu taakku naalakkersuisoqarfiinit atorfilinnik susassaqartunik naapeqateqarput.
Ataatsimiititaliat taamatuttaaq aatsitassarsiornermik ingerlataqartut kiisalu aamma aningaa-salersuisartut sinniisaannik naapeqateqarput.
Isumasioqatigiinneq naammasseriarpat ataatsimiititaliat isumasioqatigiinnerup ingerlasimanera pillugu sukumiineruumik ilisimatitsisinnaassapput.
Kim Kielsen Siulittaasoq Aatsitassanut Ataatsimiititaliaq |
Finn Karlsen Siulittaasoq Aningaasaqarnermut Akileraartar-nermullu Ataatsimiititaliaq |