2024 2023 2022 Flere år...
19-07-2013
Toqusumik nalunaarut
Qaanaami borgmesterimut tullersortaallunilu borgmesteriusimasoq Inatsisartunullu ilaasortaasimasoq Naimángitsoq Petersen siusippallaartumik toqukkut qimaguppoq. Naimángitsoq Petersen piffissami 1995-imiit 1999-imut Inatsisartunut ilaasortaavoq.
Naimángitsoq suleqatikkuminartuuvoq nipaatsoq, piginnaasaminilli arajutsisimanngitsoq, imminut tatigisoq, inuttut naalakkersuinikkullu tatigineqaatigilluakkaminik.
Naimángitsoq Petersen piniartuuvoq, piniartuunerminik tulluusimaarutiginnittoq, Inuit qangaaniilli inooriaasiata ilisarnaativissuinik, nipaatsuunermik piginnaasanik ilisimaarinniitigaluni, ilisarnaatilik. Toqussi tikillugu upernaat tamaasa avungarsuaq Inuarfissuarmut piniariartarsimavoq, nunaqqatiminit inunnillu avataanersunit ilisarisimasaminit ataqqineqaatigisaminik.
Naimángitsoq Petersenip nulia ilaqutaalu, ulluinnarni inuunerani annertuumik pingaartinneqarsimasut, eqqarsaatitsinniitippagut.
Eqqaaneqarnera ataqqinartuuli.
Lars-Emil Johansen
Inatsisartut Siulittaasuat