2024 2023 2022 Flere år...
13-09-2013
Lars-Emil Johansen Inatsisartut Siulittaasuattut qinigaaqqippoq
Ullaaq nalunaaqutaq aqqaneq qaangilaara Inatsisartut Siulittaasuata Lars-Emil Johansenip Inatssiartut 2013-imi ukiakkut ataatsimiinnerat ammarpaa.
Inatsisartuni ataatsimiinneq Inatsisartut Siulittaasussaannik nutaamik qinersinermik aallartinneqarpoq.
Tamatumani Inatsisartut Siulittaasuat Lars-Emil Johansen qinigaaqqippoq.
Tamanna pereermat siulittaasoqarfimmut ilaasortaatitassat sinneri qinerneqarput, siulittaasoqarfik ukuninnga ilaasortaqalerluni:
Inatsisartut Siulittaasuat Lars-Emil Johansen (S) |
Sinniisussaralugu Doris Jakobsen (S) |
Siulittaasup tullia siulleq Agathe Fontain (IA) | Sinniisussaralugu Juliane Henningsen (IA) |
Siulittaasup tulliisa aappaat Kim Kielsen (S) |
Sinniisussaralugu Kristian Jeremiassen (S) |
Siulittaasup tulliisa pingajuat Ane Hansen (IA) |
Sinniisussaralugu Kuupik Kleist (IA) |
Siulittaasup tulliisa sisamaat Finn Karlsen (S) |
Sinniisussaralugu Ruth Heilmann (S) |
Inatsisartut Siulittaasussaannik siulittaasoqarfissaannillu qinersisoqareermat Naalakkersuisut Siulittaasuat pisarnertut ataatsimiinneq ammarlugu oqalugiarpoq. Marlunngorpat ulloq 17. september nal. 10.00 Inatsisartut ataatsimeeqqilerpata ammaalluni oqalugiaat oqallisigineqassaaq.
Marlunngorpat taamatuttaaq ataatsimiititaliat inissititissapput ataatsimiititalianut ilaasortaatitassat Inatsisartunit qinerneqareerpata.
Inatsisartut oqaluuserisassallu pillugit paasissutissat sukumiinerusut inatsisartut nittartagaanni inatsisartut.gl nassaarineqarsinnaapput.
Paasissutissat sukumiinerusut Inatsisartut Siulittaasuat Lars-Emil Johansen angallattagaq 55 19 15 attaveqarfigalugu pissarsiarineqarsinnaapput.