Nutaarsiassat

29-01-2014

Unnummi Kulturisiorfimmi Inatsisartut pillugit meeqqat inersimasullu eqquiniaasinneqarneranni ajugaasut Inatsisartut Siulittaasuata makippai

Unnummi Kulturisiorfimmi Inatsisartut pillugit meeqqat inersimasullu eqquiniaasinneqarneranni ajugaasut Inatsisartut Siulittaasuata makippai.

Inatsisartuni Unnuk Kulturisiorfik arfininngornermi ulloq 25. januar nal. 16.00-imiit 19.00-imut ingerlanneqarpoq. Pisarnertut aaqqissuussineq nuannaarutigisatsinnik ussagarluarneqarpoq.Ukioq manna ilaatigut Inatsisartut Siulittaasuat Lars-Emil Johansen nunatta naalakkersuinikkut oqaluttarisaanera nutaajunerusoq pillugu oqaluttuartoq Inatsisartut ataatsimiittarfianni tusarnaarneqarsinnaasimavoq.

Kulturisiornermut atatillugu eqquiniaasitsinermi ajugaasunik Inatsisartut Siulittasuat ulloq 28. oktober makitsivoq. Tassanilu meeqqat eqquiniaasinneqarneranni ajugaasut tallimat inersimasullu eqquiniaasinneqarneranni ajugaasut pingasut makinneqarlutik. Tamatumunnga ilanngullugu oqaatigineqarsinnaavoq meeqqat inersimasunut sanilliullugit amerlanerusut procentinngorlugit eqqortunik akissuteqartarsimammata.

Makinneqartut ukuupput:

Kristoffer, arfineq-pingasunik ukiulik,

Nukartaa Johnsen, aqqanilinnik ukiulik,

Kaali Tittussen, arfinilinnik ukiulik,

Natuk Lund, aqqanilinnik ukiulik,

Ilannguaq Berthelsen, arfinilinnik ukiulik,

Zanne Larissa Zeeb,

Linda Jeremiassen,

Ernst Lund.

Eqquisut tamaasa pilluaqquakka. Tamarmik attaveqarfigineqareerput.

Lars-Emil Johansen

Inatsisartut Siulittaasuat

Paasissutissat sukumiinerusut Inatsisartut Siulittaasuat Lars-Emil Johansen, angallattagaq +299 55 19 15, attaveqarfigalugu pissarsiarineqarsinnaapput.