2024 2023 2022 Flere år...
20-01-2014
Tunisassiorfiit matoqqanerat Aalisarnermut ataatsimiititaliap ernumanartoqartippaa
Upernavik Kujallermi aamma Nuussuarmi tunisassiorfinnik Upernavik Seafood-ip matoqqatitsinera Aalisarnermut, Piniarnermut Nunalerinermullu ataatsimiititaliap ernumanartoqartipaa.
Matoqqagallartitsinerup aalisartut 62-iusut taakkulu ilaqutai kisiisa eqqunngilai, kisiannili najukkani innuttaasut tamaasa. Nunaqarfinnut 200-t missaani innuttaqartunut tunisinermik unitsitsineq innuttaasunut annertuumik sunniuteqarsinnaasarpoq. Taamaattumik Ataatsimiititaliaq neriuppoq pisoq ernumanartoq piaartumik aaqqiivigineqassasoq.
Kalaallit Nunaanni aalisarnermik inuussutissarsiuteqarnermut toqqissisimanartumik aalajaatsumillu sinaakkusersuinissaq pingaaruteqarpoq. Aalisartut pisaminnik tunisinissaminnut periarfissaqartinneqassapput. Taamaattumik maanna pisup siunissami pinngitsoortinneqarnissaanut iluuseqartoqassasoq kiisalu nuna tamakkerlugu tunitsiveqarnermut patajaatsumik periarfissaqarnissaq Ataatsimiititaliap kaammattuutigissavaa.
Nikolaj Jeremiassen
Inatsisartut Aalisarnermut, Piniarnermut Nunalerinermullu ataatsimiititaliaata siulittaasua
Paasisaqarnerorusunnermi Ataatsimiititaliap siulittaasua Nikolaj Jeremiassen attavigineqarsinnaavoq mobil +299 53 32 63.