2024 2023 2022 Flere år...
25-03-2014
Ingerlatseqatigiiffinni pisortat suliffeqarfiutaanni akissarsiakitsunik sulisitsisarneq pillugu ammasumik allakkat
Royal Arctic Line-mi akissarsiakitsunik sulisitsineq pillugu tusagassiorfiit aqqutigalugit nalunaarutigineqartartut Sanaartornermut ataatsimiititaliap kingullermik ataatsimiinnermini isummersorfigai.
Ataatsimiititaliaq ataatsimoorluni oqariartuuteqarpoq suliniutit ingerlatseqatigiiffinni pisortat suliffeqarfiutaanni akissarsiakitsunik sulisitsinermut ilapittuutaasinnaasut Sanaartornermut ataatsimiititaliamit isumaqatigineqarsinnaanngitsut.
Nuna tamakkerlugu suliffissaaleqineq annertoqaaq, inuiaqatigiillu ataatsimoorlutik suliffiit attatiinnarneqarnissaasa aamma nunatsinni akileraarutinik akilersuisarnerup isumannaarneqarnissaat soqutigisariaqarpaat.
Apeqquteqarnissamut Ataatsimiititaliap siulittaasua attavigineqarsinnaavoq.
Sanaartornermut ataatsimiititaliaq sinnerlugu
Inussiarnersumik inuulluaqqusillunga
Karl-Kristian Kruse
Ataatsimiititaliami siulittaasoq
Oqarasuaat +299 54 83 74