Nutaarsiassat

21-06-2015

Jonathan Jakobsenip sølviusumik Nersornaaserneqarnera

Ulloq 21. juni 2015-imi Hans Egedep Illuani nalliuttorsiorpaluttumik katerisimaarnermi Inatsisartut Siulittaasuata Lars-Emil Johansenip Jonathan Jakobsen sølviusumik Nersornaaserpaa.

Inuiaqatigiit ineriartortinneqarnissaannut aqqutissiuisimanera tamatumunngalu piumassuseqarnera aammalu inuiaqatigiinni sunniuteqaqataanissamut periarfissaqarneranik takutitsinera pillugu Inatsisartut Siulittaasoqarfiata Jonathan Jakobsen sølviusumik Nersornaaserpaa.

Jonathan Jakobsenimut oqalugiaammini Lars-Emil Johansen ilaatigut ima erseqqissaateqarpoq:

"Jonathan ukiorpassuarni sulisimavutit - 14-iinnarnimmi ukioqarlutit KGH-mi aalajaallutit sulinerit aallartippat, tamatumalu kingorna KNI-mi ukiut 50-it sinnerlugit sulivutit ingerlatsinermullu pisortanngorlutit, taamatut sulininni niuertarfimmi ilinniartorpassuit ilinniarnerminnik naammassinninnerannut peqataaqataanerit aqqutigalugu inuusuttunik sulisartunik ineriartortitseqataavutit.

1976-imili nunaqarfimmi siulersuisunut kommunalbestyrelsimulluunniit qinigaasarputit maannalu Qeqertarsuatsiaani Kapisilinnilu nunaqarfimmi siulersuisunut siulittaasuullutit. Ukiuni taama amerlatigisuni naalakkersuinermik ilittulli ingerlataqarsimasut amerlanngillat, taamaattumillu avatangiisivit ilinnut tatiginnilluinnarnerattut tamanna siulittaasoqarfimmit isigineqarpoq. Ilinnik nersorinnissut angisooq tulluusimaarutigisinnaasat."       

Lars-Emil Johansen

Formand for Inatsisartut

For yderligere oplysninger kan Formanden for Inatsisartut Lars-Emil Johansen kontaktes på mobil+299 55 19 15.