2024 2023 2022 Flere år...
21-06-2015
Johan Lund Olsenip kuultiusumik Nersornaaserneqarnera
Ulloq 21. juni 2015-imi Hans Egedep Illuani nalliuttorsiorpaluttumik katerisimaarnermi Inatsisartut Siulittaasuata Lars-Emil Johansenip Johan Lund Olsen kuultiusumik Nersornaaserpaa.
Inuiaqatigiinnik ukiorpassuarni piumassuseqarluni sullissisimanera tunngavigalugu Inatsisartut Siulittaasoqarfiata Johan Lund Olsen kuultiusumik Nersornaaserpaa.
Johan Lund Olsenimut oqalugiaammini Lars-Emil Johansen ilaatigut ima erseqqissaateqarpoq:
"Tamatuma nuannaarutigineranut minnerunngitsumik pissutaavoq ukiuni qulikkaani arlalinni nunagisat eqqummaarillutit anguniagaqarlutillu sullissimagakku, taamaalillutillu nunatsinni naalakkersuinermik suliaqarnermi ataqqineqalersimallutit aammalu naalakkersuinikkut atuuffiit anguneqarsinnaasut tamaasa (-ngajaasa) atuuffigisimallugit.
Nunatsinni politikikkut oqaluttuarisaaneq ilisimavat, nalunngilallu tunniussisoqartarlunilu pissarsisoqartartoq, naapeqatigiissitsiniaasoqartartoq, isumaqatigiinniartoqartartoq, ajugaasoqartartoq ajorsartoqartartorlu, taamaakkaluartorli kommunalbestyrelsinngorninnit ukiut 26-t qaangiutereeraluartut inuiaqatigiit sullinnissaannut kajumissuseerutinngisaannarsimavutit sulilu naalakkersuinermut tunniusimalluinnarlutit. Taamaalillutit nunatsinni inuiaqatigiinnik ineriartortitseqataasimavutit, tamannalu pillugu Inatsisartut siulittaasoqarfiata qujaffigiumavaatit."
Lars-Emil Johansen
Formand for Inatsisartut
For yderligere oplysninger kan Formanden for Inatsisartut Lars-Emil Johansen kontaktes på mobil+299 55 19 15.