2024 2023 2022 Flere år...
21-08-2015
Tunumi uuliakoortoqarnera pillugu allakkatigut apeqqutinik Eqqissisimatitsinermut Avatangiisinullu Ataatsimiititaliaq Pinngortitamut, Avatangiisinut Inatsisinillu Atuutsitsinermut Naalakkersuisumut nassiussaqarpoq.
Aasaanerani sulinngiffeqareernerup kingorna tunumi uuliakoortoqarnerata isumagineqarnissaata qulaajarneqarnissaa siunertaralugu allakkatigut apeqqutinik Eqqissisimatitsinermut Avatangiisinullu Ataatsimiititaliaq Pinngortitamut, Avatangiisinut Inatsisinillu Atuutsitsinermut Naalakkersuisumut Mala Høy Kúkomut nassiusseqqammerpoq.
Nunami, tassunga ilanngullugu sermersuarmi, silaannarmi imaanilu mingutsitsineq pineqartillugu pinngortitap illersorneqarnissaanik angallassinernillu nakkutilliinissaq ataatsimiititaliap suliassaraa.
Taamaattumik tamanna pillugu nassuiaammik saqqummiusseqqullugit Naalakkersuisut ataatsimiititaliamit qinnuigineqarput.
Michael Rosing
Eqqissisimatitsinermut Avatangiisinullu Ataatsimiititaliap
siulittaasua
Annertunerusumik paasisaqarusukkaanni ataatsimiititaliap
siulittaasua Michael Rosing, mobil +299 53 05 31,
saaffigineqarsinnaavoq.