2024 2023 2022 Flere år...
02-12-2015
Inatsisartut Eqqissisimatitsinermut Avatangiisinullu Ataatsimiititaliaat Parisimi COP21-mi peqataassaaq
Silap pissusaa pillugu nunat tamalaat piffissami aggersumi isumaqatigiissusiornissaanni peqataanissani ataatsimiititaliap qilanaaraa. Tamatumani ineriartortitsinissaq pingaaruteqarluinnarpoq.
Silap pissusaata allanngoriartornera nunatsinni nammineq takuneqarsinnaavoq, tamannalu ataatsimiititaliamit Parisimi oqariartuutigineqalersaarpoq. Tamatuma peqatigisaanik pingaaruteqarpoq paasitissallugu kalaallit inuiaqatigiit unissarneqarnatik inuussutissarsiutinilli ineriartortitsinissamut periarfissaqartinneqarnissaat.
Tamanna sapinngisamik akisussaassuseqartumik soorunami pissaaq. Taamaattumillu mingutsitsineq aniatitallu Eqqissisimatitsinermut Avatangiisinullu Ataatsimiititaliamit 2015-imi qitiutillugit sammineqarput tamannalu 2016-imi ingerlateqqinneqalersaarluni.
Parisimi CPO21-p 5. - 11. dec. 2015-imi ingerlanneqartup naalernerani ataatsimiititaliaq malitseqartitsiumaarpoq.
Michael Rosing
Eqqissisimatitsinermut Avatangiisinullu Ataatsimiititaliap siulittaasua
Paasissutissat annertunerusut ataatsimiititaliap siulittaasuanut Michael Rosing-imut, mobil +299 53 05 31, saaffiginninnikkut pissarsiarineqarsinnaapput.