2024 2023 2022 Flere år...
11-12-2015
Eqqissisimatitsinermut Avatangiisinullu Ataatsimiititaliaq Parisimi COP 21-imut peqataavoq
Eqqissisimatitsinermut Avatangiisinullu Ataatsimiititaliap Parisimi peqataanini iluatsilluarmat nuannaarutigaa. Nunat Avannarliit Siunnersuisoqatigiivinit angalatitat peqatigalugit ataatsimiititaliaq nunat allat angalatitaannik Bangladesimeersunik, Tyslandimeersunik, Indonisiameersunik Sydafrikameersunillu ataatsimeeqateqarpoq. Suleqatigiinnermut pilersinneqareersumut ataatsimiititaliaq neriuuteqarluarpoq, ukiunilu tulliuttuni silap pissusaa pillugu annertunerusumik pitsaanerusumillu attaveqaqatigiinnissaq neriuutigalugu.
Ataatsimiititaliattaaq Nunap Inoqqaavisa pisut pillugit aaqqissuussinerinut peqataavoq, aaqqissuussinernilu taakkunani issittumi Saamit naggueqatigullu Inuit Alaskameersut, Canadameersut Kalaallit Nunaanneersullu avatangiisit uumasullu pillugit silap allanngornerata sunniutaannik malugisimasatik misilittakkatsillu pillugit saqqummiussipput.
Ataatsimiititaliattaaq Aningaasaqarnermut, Aatsitassanut Nunanullu allanut Naalakkersuisoq Vittus Qujaukitsoq isumaqatigiinniarnerni killiffik pillugu ataatsimeeqatigaa.
Siunissami sila pillugu naalakkersuinikkut suliniarnerup ingerlaqqinerani ineriartorneranilu ataatsimiititaliaq isumassarsilluarluni maanna nunatsinnut utersinnaanngorpoq.
Michael Rosing
Eqqissisimatitsinermut Avatangiisinullu ataatsimiititaliami siulittaasoq
Annertunerusumik paasisaqarusunnermi ataatsimiititaliap siulittaasua Michael Rosing attavigineqarsinnaavoq, mobil +299 53 05 31.