2024 2023 2022 Flere år...
01-06-2016
AG-mut
Naalakkersuisunut ilaasortatut toqqarneqaqqammersoq Nikolaj Jeremiassen ilisaritillugu AG-mi nr. 22-mi atuagassiami allassimavoq ukioq manna septembarimi akunnaatsuliillunga nalliunnissanni isumaliutikka pillugit oqaloqatigisimagiga.
Ilumoorpoq ullorsiutit malillugit ukioq manna 70-iliissagama aammalu ilumoorluni Nikolaj Jeremiassen Inatsisartunut siulittaasunngorsinnaanera inuttut tatigeqatigiillutalu oqaloqatigisimagakku - tamanna pisussanngorpat imaluunniit pisussanngoraluarpat. Pisortatigoortumilli isumaqatigiittoqanngiivippoq suliarlu allamut sangutinneqarsimasorinarpoq.
Inatsisartut Siulittaasuannik qinersineq Inatsisartuni qinersisoqarneratigut pisarpoq, tamatumani amerlanerussuteqarluartut atuuffik kimit inuttalerneqassanersoq aalajangertarlugu - taamaattumillu tamanna inuit marluk pingasulluunniit akornanni soorunami isumaqatigiissutigineqarsinnaanngilaq.
Manna iluatsillugu matumuuna nalunaarutigissavara Inatsisartut siulittaasuattut Inatsisartunit kissaatigineqartillunga Inatsisartut siulittaasuattut tunuarnissara pilersaarutiginnginnakku.
Inatsisartut Siulittaasuat Lars-Emil Johansen
Paasissutissat sukumiinerusut Tina Naamansen +299 53 98 57 attaveqarfigalugu pissarsiarineqarsinnaapput.