2024 2023 2022 Flere år...
06-06-2016
Inatsisartut Siulittaasuata Lars-Emil Johansenip nunaqarfinni aqutsisut siulittaasuat Boas Boassen, Kuummiut, sølviusumik Nersornaaserpaa
Inatsisartut Siulittaasoqarfiata nunaqarfinni aqutsisut siulittaasuat Boas Boassen, Kuummiut, sølviusumik Nersornaaserpaat najukkami innuttaasunik sullissineranik nersorinnissutitut.
Inatsisartut Siulittaasuata Lars-Emil Johansenip nunaqarfinni aqutsisut siulittaasuannut Boas Boassenimut oqaaseqarnermini ilaartigut erseqqissarpai:
"Inuunerit tamaat timitalimmik, annertuumik ilungersorlutillu inuiaqatigiit sullinneqarneranni aamma naalakkersuinikkut Kuummiunut Sermiligaamullu aqutsisut siulittaasuattut peqataalluarsimavutit. Nunatsinni illoqarfinni nunaqarfinnilu assigiinngitsuni ilinniartitsisutut ilagiinnilu ajoqitut sulisimavutit, tamatumanilu aamma ukiorpassuanngortuni ajoqinngornianut ilisimasatit ingerlateqqittarsimavatit, soorlu aamma nunaqarfinni erinarsoqatigiinnik aqutsisuusimasutit. (.)
Nunaqarfiit pineqartillugu salliujuaannarputit, taamatullu aamma 2015-imi Kuummiut ukiunik 100-nngortorsiornerata pilersaarusiorneqarnerani ingerlanneqarneranilu siuttuusimallutit. Ukiorpassuarni kommunalbestyrelsimut ilaasortaasimavutit maannalu nunaqarfinni aqutsisuni siulittaasuullutit taamalu annertuumik akisussaaffeqarlutit. Tamannalumi aamma tupigineqarsinnaanngilaq, nunaqqativimmi aamma sulerulussinnaasutut pinertuutullu oqaatigisarpaatsit."
Siulittaasoqarfik sinnerlugu
Lars-Emil Johansen
Inatsisartut Siulittaasut
Paasissutissat sukumiinerusut Tina Naamansen +299 53 98 57 attaveqarfigalugu pissarsiarineqarsinnaapput.