2024 2023 2022 Flere år...
23-08-2016
2016-imut inatsisartut ukiakkut ataatsimiinnissaannut (UKA2016) oqaluuserisassat ullumi nassiussuunneqarput
Inatsisartut ukiakkut ataatsimiinnerat tallimanngornermi ulloq 16. september nal. 11.00 aallartissaaq, pilersaarutillu malillugit ulloq 18. november 2016 naammassinissaa naatsorsuutigineqarluni.
Inatsisartunut ilaasortanit immikkoortut katillugit 54-it Naalakkersuisunillu immikkoortut 28-it oqaluuserisassatut ilanngunneqarput.
Sapaatit akunnerini ullut ataatsimiiffiusartussat ima agguataarneqarput:
- Inatsisartut ataatsimiittarfianni sapaatip akunneranut ullut tallimat nal. 10.00-imiit nal. 14.00-imut ataatsimiiffiusassapput.
- Tamatuma saniatigut pingasunngornerit tamaasa piffissami nal. 10.00-imiit nal. 11.00-imut naalakkersuisunut akunneq apeqquteqarfiusinnaasoq ingerlanneqartassaaq, tamannalu pereeraangat Inatsisartut ataatsimiinnerat nal. 14.00 tungaanut ingerlasassalluni. Akunneq apeqquteqarfiusinnaasoq siulleq ulloq 21. september ingerlanneqassaaq.
- Sapaatit akunnerani 44-mi, Nunat Avannarliit Siunnersuisoqatigiiffiata Københavnimi ukiumoortumik ataatsimiinnerata nalaani, Inatsisartuni ataatsimiittoqassanngilaq.
UKA2016-imut atatillugu atortussat tamarmik www.inatsisartut.gl-imi takuneqarsinnaapput. Iluarsiissutit tamarmik nittartakkami ingerlaavartumik iluarsineqartassapput, taamaattorli suli periarfissaqarpoq atortussat tamaasa qarasaasiakkut tigusarusullugit nalunaarnissamut. Tamanna pillugu Laila Kristiansen lkri@inatsisartut.gl attaveqarfigineqarsinnaavoq.
Lars-Emil Johansen
Formand for Inatsisartut