Nutaarsiassat


2019 2018 2017 Flere år...

26-09-2016

Atortulersuutitigut ajutooqqanermik pissuteqartumik 2017-imi Inuusuttut Inatsisartuinut peqataanissamut qinnuteqartoqarsinnaanngikkallarpoq

Inatsisartut serveriata ajutooqqanera pissutaalluni tallimanngormat ualikkumiit 2017-imi Inuusuttut Inatsisartuinut peqataanissamut qinnuteqarsinnaaneq ajornarsimavoq. Tamanna nittartakkakkut inu.gl-ikkut app-ikkullu inu.gl-ikkut qinnuteqaatinut atuuppoq.

 

App-i Applep AppStoreaniit Googlellu PlayStoreaniit aagaanni qinnuteqarnissamut immersugassaq immersorneqarsinnaavoq, taamaattorli nassiunneqarsinnaanani. Atortulersuutit iluarsippata qinnuteqartut qinnuteqaatitik nammineerlutik nassiuteqqittariaqassavaat.

 

Tamanna nalunaarutigineqarumaarpoq, atortulersuutit ullut marlussuit ingerlaneranni iluarsineqarnissaat ingerlaqqilernissaallu tamaviaarullugu sulissutigineqarpoq.

 

 

Paasissutissanik sukumiinerusunik pissarsiniarluni paasissutissiisarnermik suliniutinillu suliaqartoq Nils Baum saaffigineqarsinnaavoq oqarasuaammut; 34 61 14.