2024 2023 2022 Flere år...
26-10-2016
Inatsisartunut siulittaasuusimasup Josef Motzfeldtip qalipanneqarnera Inatsisartut Siulittaasuata Lars-Emil Johansenip uleerpaa
Inatsisartut Siulittaasuata Lars-Emil Johansenip Inatsisartut kaffisortarfianni ilasseqatigiinnermi Inatsisartunut siulittaasuusimasup Josef Motzfeldtip qalipanneqarnera ullumi uleerpaa.
Siusinnerusukkut Inatsisartunut siulittaasuusimasut qalipanneqartarnerannik ileqqoq Inatsisartut taamaalillutik ingerlateqqippaat Josef Motzfeldtilu 1979-imi namminersornerulernitta kingorna qalipanneqartut qulingiluassaraat. Tamatuma peqatigisaanik namminersulernitta kingorna Inatsisartunut Siulittaasut siullersaraat. Josef Motzfeldt 2009-mi juunimit 2013-imi marsip tungaanut Inatsisartunut siulittaasuuvoq.
Qalipanneqartoq uleersinermi najuuppoq. Eqqumiitsuliortoq qalipakkamik qalipaasoq Josef Motzfeldtillu nammineq toqqarsimasaa tassaavoq Niels Motzfeldt. Qalipagarpassuani, qiperukkanik aggorsimasullu titartagartaannik suliarpassuani ilisimaneqaatigai.
Qalipakkamik taassuminnga uleersinikkut Inatsisartut siulittaasorisimasanik Inatsisartut qalipagaataat tamakkiisunngorput.
Qalipakkat 2017-imi unnuk kulturisiorfimmi Inatsisartut innuttaasunut soqutiginnittunut tamanut pisarnermittut matut ammarpatigit tamanit takuneqarsinnaassapput.
