2024 2023 2022 Flere år...
18-11-2016
2016-imi Inatsisartut ukiakkut ataatsimiinnerannut atatillugu ullut ataatsimiiffiusussat immikkut ittumik ilaneqarnerat
Inatsisartut Siulittaasoqarfiata ullumi aalajangerpaa 2016-imi ukiakkut ataatsimiinnermi oqaluuserisassanut immikkoortumik nutaamik ilanngussisoqassasoq:
Immikkoortoq 39: Nunatsinni tunngaviusumik inatsimmut siunnersuusiornissaq siunertaralugu isumalioqatigiissitamik pilersitsinissamut Naalakkersuisut Inatsisartunit piginnaatinneqarnissaannik Inatsisartut aalajangiiffigisassaattut siunnersuut.
Immikkoortoq siullermeerneqassaaq aqagu arfininngornermi ulloq 19. november 2016 nal. 13.00 Inatsisartut immikkut ataatsimiinneranni, ataasinngornermilu ulloq 21. november 2016 aappassaaneerneqassalluni.
Inatsisartut oqaluuserisassaanni allannguutit www.inatsisartut.gl-imi takuneqarsinnaapput.