2024 2023 2022 Flere år...
20-06-2017
Ajunaarnersuaqarfiusumi pissutsit Inatsisartut qanimut malinnaavigaat
Ajunaarnersuaqarfiusumi pisut Inatsisartut Siulittaasoqarfiata ingerlaavartumik malinnaavigai, tamatumunngalu atatillugu qujaniarnini nuannaarutiginninninilu ersersikkusullugu pisortani oqartussanit, kommuninit, suliniaqatigiiffinnit, suliffeqarfinnit namminerlu piumassutsimik suleqataasunit minnerunngitsumillu nunatta avataanit ikiuunnermut ikiuukkusussuseqarnermullu.
Pisunik qanimut malinnaanermik ataatsimiititalianit tamanit nalunaarutit tunngavigalugit Siulittaasoqarfiup ataatsimiititaliat tamaasa taamatuttaaq qinnuigaat piareersimaqqullugit pisumut atatillugu Naalakkersuisunit saaffiginnissutit piaartumik suliarisassatut nassiunneqartut suliarinissaannut.
Taamaalillutik pisariaqartitsisoqalissappat ataatsimiititaliat piareersimapput oqarasuaatikkut ataatsimiigiaqqunneqarsinnaanissaminnut.
Ajunaarnersuarmi matumani innuttaasunut eqqugaasorpassuarnut Siulittaasoqarfik annertuumik misiginneqataavoq. Tamatumunnga atatillugu Siulittaasoqarfiup kissaatigaa pisumi Inatsisartut annertunerpaamik pissarsiariuminarnermikkut tapersersuillutillu annertunerpaamik iluaqutaassasut.
Lars-Emil Johansen
Inatsisartut Siulittaasuat