2024 2023 2022 Flere år...
31-10-2017
Inatsisartut Siulittaasuata Lars Emil Johansenip napparsimalluni sulinngiffeqarnera
Tallimanngornermi oktobarip ulluisa 27-ianni Inatsisartut siulittaasuannit Lars-Emil Johansenimit ilisimatitsissutigineqartutut Inatsisartut siulittaasuat Rigshospitalimut unitsinneqarpoq suliaminut atatillugu angalanermini uummallunnini misissorneqarniassammat.
Misissuinerit taakku ullumi inerneri tunngavigalugit Inatsisartut siulittaasuat Lars-Emil Johansen siulittaasoqarfimmut napparsimalluni sulinngiffeqarnissaminik qinnuteqarpoq. Inatsisartut siulittaasuata ulloq 1. november 2017 pilatsilluni suliarineqarnissaa naatsorsuutigineqarpoq.
Siulittaasoqarfiup piffissamut 2017-imi novembarip ulluisa aallaqqaataanniit 2018-imi februaarip ulluisa aallaqqaataannut Inatsisartut siulittaasuata Lars-Emil Johansenip napparsimalluni sulinngiffeqarnissaminik qinnuteqaataa ullumi oqaluuseraa akueralugulu.
Piffissami tassani Inatsisartut siulittaasuata tullia siulleq Mimi Karlsen Inatsisartut siulittaasorigallagaattut atuutissaaq. Mimi Karlsen New Yorkimi Naalagaaffiit Peqatigiit ataatsimeersuarnerannut peqataavoq, taamaattumillu ulluni aggersuni suliaminut atatillugu angalanini taanna unitsittariaqassallugu Inatsisartut siulittaasorigallagaattut atuuffini isumagiartorlugu.
Siulittaasoqarfik sinnerlugu
Mimi Karlsen
Inatsisartut Siulittaasuata tullia siulleq