2024 2023 2022 Flere år...
17-05-2018
Immikkut ittumik ataatsimiinnermi IIA18-imi oqaluuserisassat Siulittaasoqarfimmit aalajangersarneqarput
Immikkut ittumik ataatsimiinnermi oqaluuserisassatut immikkoortut oqaluuserisassanut ilanngunneqarlutillu oqaluuserineqarnissaannik Naalakkersuisut qinnuteqarnerat tunngavigalugu Siulittaasoqarfiup aalajangerpaa immikkut ittumik ataatsimiittoqassasoq ullunik marlunnik sivisussusilimmik.
Immikkut ittumik ataatsimiinneq IIA18 aallartissaaq sisamanngorneq ulloq 24. maj nal. 11.00 ullortut siullertut ataatsimiiffiulluni, ullorlu 28. maj, taamatuttaaq nal. 11.00 aallartittussaq, ullut ataatsimiiffiit aapparissallugu.
IIA2018-imut tunngatillugu atortussat tamarmik www.inatsisartut.gl-imi takuneqarsinnaapput.
Iluarsiisoqartillugu taakku ingerlaavartumik nittartakkami takuneqarsinnaassapput, taamaattorli suli aamma periarfissaqarluni atortussat tamaasa qarasaasiakkut pissarsiarisarnissaannut. Tamanna kissaatigigaanni Laila Kristiansen lkri@inatsisartut.gl attaveqarfigineqassaaq.
Ikinngutinnersumik inuulluaqqusillunga
Hans Enoksen
Inatsisartut Siulittaasuat