Nutaarsiassat

28-09-2018

2018-imi ukiakkut ataatsimiinnermi oqaluuserisassat iluarsisat

Siulittaasoqarfiup ulloq 3. oktober 2018-imi ammaanersiornissamut oqaluuserisassat ima allannguuteqartillugit ullumi naleqqussarpai:

Inatsisartut ukiakkut ataatsimiinnerat ulloq 3. oktober, nal. 11.00 ammarneqassaaq
Ullut ataatsimiiffiit 36-ussapput
Sapaatit akunnerini 40-mi aamma 41-mi Inatsisartut ataatsimiittarfianni ataatsimiinnerit sapaatip akunnerata ulluini tallimani tamani nal. 10.00-imit 17.00-imut ingerlanneqassapput
Sisamanngornermi ataatsimiinnerit nal. 16.00 naammassisarnissaat eqqaassanngikkaanni sapaatit akunnera 42-mit Inatsisartut ataatsimiittarfianni ataatsimiinnerit ataasinngornermit sisamanngornermut nal. 11.00-imit 15.00-imut ingerlanneqartassapput tallimanngornerillu ataatsimiititalianit ataatsimiiffigineqartassallutik
Pingasunngornerit tamaasa nal. 11.00-imit 12.00-imut akunneq apeqquteqarfik ingerlanneqartassaaq, tamatumalu kingorna Inatsisartut ataatsimiittarfianni ataatsimiinnerit unikkallarnertaqanngitsumik ingerlaqqittassallutik
Inatsisartut ataatsimiinneranni sapaatit akunnerini siullerni marlunni allannguinerit pissutigalugit akunneq apeqquteqarfik siulleq 10. oktober, nal. 10.00-imit 11.00-imut ingerlanneqassaaq Naalakkersuisullu apersorneqartussat tulleriiaarnerat Inatsisartut nittartagaanni takuneqarsinnaassaaq
Inatsisartut ataatsimiinnerat ulloq 29. november naammassineqartussatut naatsorsuutigineqarpoq

UKA18 pillugu atortussat tamarmik uani pissarsiarineqarsinnaapput: www.inatsisartut.gl