Nutaarsiassat

Inatsisartut Siulittaasuata Vivian Motzfeldtip ullumi ulloq 21. februar 2019 Namminersortoq Niuertorlu Anthon Geisler sølviusumik Nersornaaserpaa, Ilulissani Hotel Arctic-imi.

Sølviusumik Nersornaasiinermut tunngavilersuutigineqarpoq piffissami sivisuumi tunniusimalluni nersortarialimmik inuussutissarsiummik ingerlatsisimanera, sulilu ukioqqortusereeraluarluni allanik isumalluuteqarnani ulloq manna tikillugu namminersortutut ingerlatsinera pissutigalugu.

Inatsisartut Siulittaasuata, Vivian Motzfeldtip Anthon Geislerimut oqaaseqarnermini ilaatigut erseqqissarpai:

“Inuuvutit inoqatinnut maligassiuisoq, Inuk imminut pilersortuunissamik tamatigoortumik paasinnissimasoq, nunatsinni inuit ilittut paasinnittut amerlanerusuuppata pisortanit ikiorserneqarnissamik naatsorsuutiginninnerit ikinnerungaassagaluarput.

Qanoq immikkuullaritsiginerit ersarissarluarumallugu assersuusiulaallanga. Kunngeqarfik tamaat qiviarutsigu illit kisiartaavutit inuit 6 mio akornanni ilittut ittumik nassaassaqanngilaq.”

Siulittaasoqarfik sinnerlugu

Vivian Motzfeldt

Inatsisartut Siulittaasuat