2024 2023 2022 Flere år...
09-04-2019
Pingasunngornermi akunnermi apeqquteqarfimmi oqaaseqarnissamut piffissarititat nutaat atorlugit misiligummik aaqqissuussinissaq
Akunnermi apeqquteqarfimmi oqaaseqarnissamut piffissarititat nutaat misilinneqarnissaat Suleriaaseq pillugu Ataatsimiititaliamit akuerineqarpoq.
Misiligummik akunneq apeqquteqarfik ingerlanneqassaaq ulloq 24. april. Akunneq apeqquteqarfik nal. 10.00 aallartissaaq.
Misiligutitut apeqquteqarfimmi oqaaseqarnissamut piffissarititanut nutaanut tunngavissat:
Taamaalillunilu partiit qanoq ilaasortaqartiginerat aallaaviujunnaarluni misiliinermi aallaavigineqassapput ilaasortat ataasiakkaat.
Suleriaaseq pillugu Ataatsimiititaliaq naliliivoq suleriaatsip allanngortinneqarnissaata aallartinneqannginnerani misiliinerit allannguuteqartinneqarsinnaasut ingerlanneqarsinnaasuuppata sulinissamut tassunga patajaallisaataassasoq, suleriaatsimmi allanngortinneqarnissaanik siunnersuut naammassillugu suliarineqannginnermini piviusunngortinneqannginnerminilu piffissartornartarmat.
Akunnermi misiligummik apeqquteqarfimmi oqaaseqarnissamut piffissarititassat
Tamanna tunngavigalugu oqaaseqarnissamut piffissarititanut ima maleruagassaqarluni akunnermik apeqquteqarfimmik ataatsimik misiligummik ingerlatsinissaq ataatsimiititaliamit kissaatigineqarpoq:
Ilaasortat ataasiakkaat apeqqummik 1-imik saqqummiussinerat: 1 minut
Naalakkersuisut akissuteqarnerat: 1 minut
Misiligummik akunnermi apeqquteqarfimmi tassani malitseqartitsissutitut apeqquteqarnissamut periarfissaqassanngilaq.
Ilaasortat aalajangersimasumik tulleriinnilersugaanngitsumik ataatsimik apeqquteqassapput Naalakkersuisullu akissuteqassallutik, taamatullu aalajangersimasumik tulleriinnilersugaanngitsumik akunneq apeqquteqarfik akunnerup ataatsip qaangiunnissaata tungaanut ingerlanneqassaaq.
Siulittaasoqarfik sinnerlugu
Vivian Motzfeldt
Inatsisartut Siulittaasuat